އެމެރިކާގެ އިންތިޚާބީ ނިޒާމުގެ ތެރެއަށް ޗައިނާއިން ވަދެގަނެ، އެތައް މިލިއަން ރައްޔިތުންގެ ޒާތީ މައުލޫމާތު ވަގަށް ނެގި ކަމަށް ތުހުމަތު ކުރުމަށްފަހު އެ މައްސަލާގައި ޓްރަމްޕް ދައްކަވަމުން ގެންދަވާ ވާހަކަތަކާއި ބަސްމަގު ބަދަލު ކުރައްވައިފިއެވެ.
ޓްރަމްޕް ޗައިނާއަށް ތުހުމަތު ކުރެއްވިތާ ފަސް ދުވަސް ފަހުން، ވާހަކަ ބަދަލު ކުރައްވައި، ޗައިނާގެ މި ޢަމަލުތަކަކީ "އާދައިގެ ކަމެއް" ކަމަށް ޓްރަމްޕް ވަނީ ސިފަކުރައްވައިފައެވެ.
މީގެ ކުރިން އަމިއްލަ ސިޔާސީ މަންފާއަށްޓަކައި ޗައިނާގެ މައްޗަށް ބޮޑެތި ތުހުމަތުތަކެއް ކުރެއްވި ޓްރަމްޕް، މިހާރު ފެންނަނީ އެ ގައުމާ ދެކޮޅަށް ފިޔަވަޅެއް އެޅުމުގެ ބަދަލުގައި، ޗައިނާގެ ޖާސޫސީ ހަރަކާތްތަކަށް ޖާގަ ދެއްވަން ތައްޔާރަށް ހުންނެވި މަންޒަރެވެ. އޭނާ ވިދާޅުވަނީ ޗައިނާއިން އެމެރިކާއަށް ދެމުންދާ މިފަދަ ބަހުގެ ހަމަލާތަކަކީ "އެމެރިކާއިން ވެސް ޗައިނާއާ ދެކޮޅަށް ކުރާ ކަމެއް" ކަމަށެވެ. މިއީ އެމެރިކާގެ ރައީސްގެ މަގާމުގައި ހުންނަވައިގެން، ގައުމުގެ ސަލާމަތީ ފިޔަވަޅުތައް ޗައިނާގެ ޖާސޫސީ ހަރަކާތްތަކާ އެއްހަމަކޮށް، ޗައިނާގެ އަމަލުތައް ދިފާއުކުރެއްވުން ކަމަށް ބުނެ ގިނަ ބަޔަކު ޓްރަމްޕަށް ފާޑު ކިޔަމުން ދެއެވެ.
މާޒީގެ ކަމެއް ކަމަށް ބުނެ ވާހަކަ އޮޅުވާލުން
"މިއީ މާޒީގައި ހިނގި ކަމެއް" ކަމަށް ވިދާޅުވެ، ޓްރަމްޕް މަސައްކަތްކުރައްވަނީ އޭނާ ކުރިން ފޯރިއާއެކު ދެއްކެވި ވާހަކަތައް އޮޅުވާލައްވާށެވެ.
ކުރިން އޭނާ ވިދާޅުވީ، އެމެރިކާގެ 220 މިލިއަން މީހުންގެ ވޯޓުލާ ފަރާތްތަކުގެ މައުލޫމާތު ޗައިނާގެ އަތްމައްޗަށް އެރުމަކީ ގައުމީ ސަލާމަތަށް އޮތް ބިރެއް ކަމަށެވެ.
އެމެރިކާގެ ނިކަމެތިކަން
މައްސަލައަކީ ޓްރަމްޕްގެ ދެއުޅި އެއްނުވުމެވެ. އަދި ޓްރަމްޕްގެ އާއިލީ ވިޔަފާރިއާއި ޗައިނާއާ އޮތް ބަދަހި ގުޅުމުން ފިޔަވަޅު އެޅުމަށް ނުކުލެދިފައިވާ ކަމެވެ. މިއީ އެމެރިކާގެ ޝަރަފާއި ސަލާމަތަށް ވުރެ ޓްރަމްޕްގެ ސިޔާސީ މަސްލަހަތު އިސްކުރާ ކަމުގެ ފާޅުކަން ބޮޑު ނިޝާނެކެވެ.
