ފިނި މޫސުން އައުމުގެ ކުރިން ގުދުރަތީ ގޭހުގެ ރިޒާވްތައް ރައްކާ ކުރުމަށް ޔޫރަޕްގެ ގައުމުތަކަށް ދަނީ ބޮޑެތި ގޮންޖެހުންތަކެއް ކުރިމަތިވަމުންނެވެ. ދުނިޔޭގެ ބާޒާރުގައި ގޭސް ހޯދުމަށް އޮތް ވާދަވެރިކަން ބޮޑުވުމާއި، ހުރުމުޒު ކަނޑުއޮޅި އަލުން ބަންދުވުމާ ގުޅިގެން، ގަތަރުން ފޮނުވާ ގޭސް އެ ކަނޑުއޮޅި ހުރަސްކޮށް ލިބޭނެ ކަމަށް ބަލައި ޔޫރަޕުން ހަދާފައިވާ ޕްލޭންތަކަށް ވަނީ ހުރަސްއެޅިފައެވެ.
މިދިޔަ ފިނި މޫސުން ނިމުނުއިރު، 2022 ވަނަ އަހަރަށްފަހު ގޭހުގެ ރިޒާވް އެންމެ ދަށް މިންވަރަށް ވެއްޓުނު ނަމަވެސް، ޔޫރަޕްގެ ސަރުކާރުތަކާއި ހަކަތަ އުފައްދާ ކުންފުނިތަކުން އުންމީދުކުރީ ގޭސް ގަތުން ފަސްކުރުމަށެވެ. އެއީ ފެބްރުއަރީ މަހުގެ ފަހުކޮޅު އީރާނާ ދެކޮޅަށް ސޮލީބީ ހަނގުރާމަ ފެށުމާ ގުޅިގެން އަގުތައް އުފުލުމުން، ޑިޕްލޮމެޓިކް ހައްލެއް އައިސް ހުރުމުޒު ކަނޑުއޮޅީގެ ދަތުރުފަތުރު އަލުން ފެށޭނެ ކަމަށް ބަލައިގެންނެވެ.
ދުނިޔޭގެ ލިކިއުފައިޑް ނެޗުރަލް ގޭސް ވިޔަފާރީގެ ގާތްގަނޑަކަށް ފަސްބައިކުޅަ އެއްބައި ދަތުރުކުރަނީ މި ކަނޑުއޮޅިންނެވެ. އެހެންކަމުން، މި ކަނޑުއޮޅި ޓްރަމްޕްގެ ވިޔާނުދާކަމުން ބަންދުވުމަކީ ޔޫރަޕްގެ ހަކަތައިގެ ރައްކާތެރިކަމަށް އެޅުނު ވަރަށް ބޮޑު ހުރަހެކެވެ.
