ޖެން-ޒީގެ މުޒާހަރާތަކަށްފަހު، ޒުވާން ވޯޓަރުންގެ ތާއީދު ހޯއްދެވުމަށް އިންޑިއާގެ ބޮޑުވަޒީރު މޯދީ އިންސްޓަގްރާމް ބޭނުންކުރައްވަން ފައްޓަވައިފިއެވއ.
އިންޑިއާގައި ވަޒީފާއާއި ތައުލީމީ ފުރުސަތުތައް މަދުވުމާ ގުޅިގެން ޒުވާނުންގެ ޖެން-ޒީ ކުރި މުޒާހަރާތަކަށްފަހު، ޒުވާން ވޯޓަރުންގެ ތާއީދު ހޯއްދެވުމަށް އިންޑިއާގެ ބޮޑުވަޒީރު ނަރެންދުރަ މޯދީ އިންސްޓަގްރާމް މެދުވެރިކޮށް ޚާއްޞަ ވީޑިއޯތަކެއް އާންމުކުރައްވަން ފައްޓަވައިފިއެވެ.
އާންމުކުރައްވާ ކޮންޓެންޓް: މޯދީ އާންމުކުރައްވާފައިވާ ވީޑިއޯތަކުގެ ތެރޭގައި ސައިކަލް ޖެކެޓާއި އަވިއައިނު އަޅުއްވައިގެން ރެޕް މިއުޒިކާއެކު ނަންގަވާފައިވާ ސެލްފީ ވީޑިއޯތަކާއި، މަޝްހޫރު ސިޓްކޮމް ފްރެންޑްސް ގެ ތީމް ސޮންގު ބޭނުންކޮށްގެން ތައްޔާރުކޮށްފައިވާ ވީޑިއޯތައް ހިމެނެއެވެ.
މުޒާހަރާތަކުގެ ފަސް: މި ބަދަލު އައިސްފައިވަނީ ސަރުކާރުގެ ވަޒީފާތަކާއި ކޮލެޖްތަކަށް ވަނުމަށް ބާއްވާ އިމްތިހާނު ކޭސްތަކެއް ލީކުވުމާ ގުޅިގެން ތައުލީމީ ވަޒީރު އިސްތިއުފާ ދެއްވުމާއި، އެތައް ހާސް ދަރިވަރުންނާއި ވަޒީފާ ހޯދާ ފަރާތްތަކުން މަގުމައްޗަށް ނުކުމެ ކުރި މުޒާހަރާތަކަށްފަހުގައެވެ.
ވަޒީރުންނަށް ދެއްވި އިރުޝާދު: މޯދީ ވަނީ ކެބިނެޓް ވަޒީރުންނަށްވެސް ޒުވާނުންގެ މެދުގައި މަގުބޫލު ސޯޝަލް މީޑިއާ ޕްލެޓްފޯމްތަކުގައި ޚާއްޞަކޮށް އިންސްޓަގްރާމް ރީލްސް އަދި ސްނެޕްޗެޓްގައި އިތުރަށް ހަރަކާތްތެރިވުމަށާއި، މާ ބޮޑަށް އެޑިޓްނުކޮށް އާދައިގެ ގޮތަކަށް ވީޑިއޯތައް ނެރުމަށް އިރުޝާދު ދެއްވާފައެވެ.
2029 ގެ އިންތިޚާބަށް އަމާޒު ހިފުން: އިންޑިއާގެ 1.4 ބިލިއަން މީހުންގެ އާބާދީގެ ދެބައިކުޅައެއްބަޔަށްވުރެ ގިނައީ އުމުރުން 35 އަހަރުން ދަށުގެ ޒުވާނުންނެވެ. 2029 ވަނަ އަހަރު ބޭއްވުމަށް ހަމަޖެހިފައިވާ އާންމު އިންތިޚާބުގައި 400 މިލިއަނަށްވުރެ ގިނަ ޖެން-ޒީ ވޯޓަރުން ބައިވެރިވާނެ ކަމަށް ބެލެވޭތީ، މިއީ އެ ވޯޓަރުންގެ ތާއީދު ހޯދުމަށް ބީޖޭޕީން ފެށި ކެމްޕޭނެކެވެ.
