މިނިސޯޓާގެ ޑިމޮކްރެޓިކް ޕާޓީގެ ޕްރައިމަރީ އިލްހާން ޢުމަރު ކާމިޔާބު ކުރައްވައިފިއެވެ. އޭނާއަކީ އިޒްރޭލަށް ފާޑު ކިޔުމުގައި ފަސް ޖެހި ވަޑައި ނުގަންނަވާ، ޔަހޫދީންނަށް ތާއީދު ކުރާ މެމްބަރުން ހޮވުމަށް ފައިސާ ހޭދަކުރާ އައިޕެކްގެ ކަޅު ލިސްޓުގައި ހިމެނޭ މެމްބަރެކެވެ.
މިނިއަޕޯލިސް ސަރަހައްދުގެ 5 ވަނަ ޑިސްޓްރިކްޓްގެ ގޮނޑި އިލްހާން ޢުމަރު ކާމިޔާބު ކަމާއެކު ދިފާޢު ކުރެއްވީ، 2022 ވަނަ އަހަރުގެ ޕްރައިމަރީގައި އޭނާ ބަލިކުރި މިނިއަޕޮލިސް ސިޓީ ކައުންސިލްގެ ކުރީގެ މެމްބަރު ޑޮން ސެމިއުލްސް އާ ވާދަ ކުރައްވައިގެންނެވެ.
