އިންޑިއާއިން ނޭޕާލަށް ތެޔޮ ހޮޅި އެޅުމަށް، ނޭޕާލް އޮއިލް ކޯޕަރޭޝަން (އެންއޯސީ) އާއި އިންޑިއަން އޮއިލް ކޯޕަރޭޝަން (އައިއޯސީ) އާއި ދެމެދު އާ އެއްބަސްވުމެއްގައި ސޮއިކޮށްފިއެވެ. މި ފިޔަވަޅަކީ ނޭޕާލުގައި ތެލުގެ ޓްރާންސްޕޯޓަށް ކުރާ ޚަރަދު ކުޑަކުރުމަށް މުހިންމު ފިޔަވަޅެކެވެ.
މި ހޮޅި ލައިން އެޅުމަށް ހަމަޖެހިފައި ވަނީ، އިންޑިއާގެ ސިލިގޫރީ އާއި ނޭޕާލްގެ ޖަޕާ އާއި އަމްލެކްގަންޖް އާއި ޗިޓްވާން ދެމެދުގައެވެ. އިންޑިއާއިން މި ވަގުތު ނޭޕާލަށް އަހަރަކު 1.5 މިލިއަން ޓަނުގެ ތެޔޮ ފޯރުކޮށްދެ އެވެ. އެ ތެލަކީވެސް ދެ ޤައުމު ދެމެދު އަޅާފައިވާ ހޮޅިލައިންތަކުން ގެންދާ ތެލެވެ.
މުހައްލިލުން ދެކޭ ގޮތުގައި މި އައު އެއްބަސްވުމާއެކު، އިންޑިއާއަށް ނޭޕާލްގައި ފުރުސަތުތައް ފަހިވާނެއެވެ. މިއީ ނޭޕާލްގެ ސަޕްލައި ނެތްވާކް ފުޅާކުރުމަށް ލިބޭ ފުރުސަތެކެވެ. 2015 ވަނަ އަހަރު ޗައިނާއިން ނޭޕާލަށް މުދާ ގެންދިއުމަށް އިގްތިސާދީ ބްލޮކޭޑެއް ކުރިމަތި ކުރިއެވެ.
ޗައިނާއިން މާޒީގައި ވަނީ ނޭޕާލަށް ތެޔޮ އެތެރެ ކުރުމަށް ސަޕޯޓު ދޭނެ ކަމަށް ބުނެފައެވެ. ނަމަވެސް ލޮޖިސްޓިކަލް ގޮންޖެހުންތަކުގެ ސަބަބުން ދިގު މުއްދަތަކަށް އެއްބާރުލުން ދިނުމަށް ހުރަސްއެޅިފައިވެއެވެ.
އިންޑިއާއާއި ނޭޕާލަކީ ކަރަންޓު ވިޔަފާރީގައިވެސް ބައިވެރިވާ ދެ ޤައުމެވެ. އިންޑިއާއިން ނޭޕާލްގެ ޑޭމްތަކުން އުފައްދާ ކަރަންޓު ގަނެއެވެ. އަދި ނޭޕާލުން އެކަންޓު ބަނގްލަދޭޝަށްވެސް އިންޑިއާ މެދުވެރިކޮށް ވިއްކައެވެ.
