އެމްއެންޑީއެފްގެ ކޯސްޓްގާޑް އުޅަނދު، ހުރަވީ، ކުރިން ތާވަލް ކޮށްފައިވާ މަރާމާތަކަށް މުމްބާއީގެ ނޭވަލް ޑޮކްޔާޑަށް އަތުވެއްޖެ އެވެ. މިއީ ރާއްޖެއާއި އިންޑިއާގެ ޑިފެންސް ގުޅުން ބަދަހިކުރުމަށް އެޅޭނެ މުހިންމު ފިޔަވަޅެއް ކަމަށް އިންޑިއާ މީޑިއާއިން ބުނެއެވެ.
ހުރަވީ އުޅަނދު މާލެއިން މުމްބާއީއަށް ކުރި ދަތުރުގައި އެސްކޯޓު ކޮށްދިނީ އިންޑިއާގެ މަނަވަރު ތަލްވާރު އިންނެއެވެ.
މިއީ 2023 ވަނަ އަހަރުގެ މެއި މަހު އެމްއެންޑީއެފްއާ ހަވާލުކުރި ފަހުން ކުރެވޭ ފުރަތަމަ މަރާމާތެވެ.
ހުރަވީގެ މަރާމާތަށް 4 މިލިއަނަށްވުރެ ގިނަ ޑޮލަރު ހަރަދުކުރާނެއެވެ. އެޚަރަދު ކުރުމަށް ހަމަޖެހިފައި ވަނީ އިންޑިއާ ސަރުކާރުންނެވެ.
އޮކްޓޯބަރު މަހުގެ 6-10 އަށް ރައީސް މުހައްމަދު މުއިއްޒު އިންޑިއާއަށް ކުރައްވި ރަސްމީ ދަތުރުފުޅުގައި މިކަމަށް ވަނީ އެއްބަސްވެފައެވެ. މިއީ އިންޑިއާގެ ‘ނެއިބަރހުޑް ފަސްޓް’ ޕޮލިސީ އާއި ވިޝަން ސާގަރު (ސެކިއުރިޓީ އެންޑް ގްރޯތް ފޯރ އޮލް އިން ދަ ރީޖަން) ގެ ބައެކެވެ.
މި އަޕްގްރޭޑްގެ ސަބަބުން ރާއްޖޭގެ ކޯސްޓްގާޑްގެ އޮޕަރޭޝަނަލް ސްޓްރެންތް އިތުރުވެ، މެރިޓައިމް ސެކިއުރިޓީ ރަނގަޅުވާނެ ކަމަށް ބެލެވެ އެވެ.
ރައީސްގެ އިންޑިއާ ދަތުރުފުޅުގައި އޮކްޓޯބަރ 20 ގައި، ރައީސް މުއިއްޒު ވަނީ ޔުނިފައިޑް ޕޭމަންޓް އިންޓަރފޭސް (ޔޫޕީއައި) ރައްޖޭގައި ތަޢާރަފް ކުރުމަށް އަޅަންޖެހޭ ފިޔަވަޅުތައް ކުރިއަށް ގެންދެވުމަށް ނިންމަވާފައެވެ.
