ނައިޖީރިއާގެ އެންމެ މަތީ ގައުމީ ޝަރަފު، ގްރޭންޑް ކޮމާންޑަރ އޮފް ދަ އޯޑަރ އޮފް ދަ ނައިޖަރ، އިންޑިއާގެ ބޮޑުވަޒީރު ނަރެންދްރާ މޯދީ އަށް ނައިޖޭރިއާގެ ރައީސް ބޯލާ ޓިނުބެ އަރުވައިފިއެވެ. އިންޑިއާއިން ބުނެފައި ވަނީ އެ ޝަރަފު އެރުވުމުން އިންޑިއާ-ނައިޖީރިއާގެ ސްޓްރެޓެޖިކް ޕާޓްނަޝިޕް އާ އުސްމިންތަކަކަށް ކުރިއަށް ގެންދިއުމަށް އެހީތެރިއަކަށް އެކަން ވާނެ ކަމަށެވެ.
ނައިޖީރިއާގެ ސަރުކާރާއި ރައްޔިތުންނަށް ހިތުގެ އަޑިން ޝުކުރު އަދާކުރައްވާ ކަމަށް އިންޑިއާގެ ބޮޑު ވަޒީރު ވިދާޅުވިއެވެ. އަދި އޭނާ އެ ޝަރަފު ޚާއްސަކުރެއްވީ “140 ކްރޯޑް އިންޑިއާ މީހުންނާއި ދެ ގައުމުގެ ފުން އެކުވެރިކަމަށް” ކަމަށް އެކްސްގައި ވިދާޅުވިއެވެ.
ނައިޖީރިއާގެ ރައީސް ބޯލާ އަހުމަދު ޓިނުބެ މޮދީއަށް އެރުވި ޝަރަފް މީގެ ކުރިން އަރުވާފައި ވަނީ ރާނީ އެލިޒަބަތު އަށް 1969 ވަނަ އަހަރު އެވެ. އެނޫން އެހެން ބޭފުޅަކަށް އެ ލަގަބް އެރުވިފައެއް ނުވެއެވެ.
