ބޮޑު ގައުމެއްނަމަ، ކާމިޔާބީއާއި މުސީބާތުގައިވެސް އެއްގޮތް ވާން ޖެހޭ ހެން ހީވެއެވެ. އެމެރިކާގެ ސެޕްޓެމްބަރު 11 ގެ ހަމަލައަށް ފަހު އިންޑިއާއަށް މުމްބާއީގެ ނަރިމަން ޕޮއިންޓަށް ދިން ހަމަލައަކީ އިންޑިއާގެ ސެޕްޓެމްބަރު 11 ހިނދުކޮޅެވެ. ޒަޔަނިސްޓު އިޒްރޭލަށް އަމާޒު ކުރާ ގޮތަށް ހިންދޫ އިންޑިއާއަށްވެސް އަމާޒު ކުރީކަމަށް ބުނާ ލިޓެރޭޗަރތައް މަދެއް ނޫނެވެ. ހަގީގަތަކީ، ދެކުނު އޭޝިއާއަކީ ދުނިޔޭގެ އެންމެ ދީނީ ހައްދުފަހަނައަލައި ދިއުން އާންމު އެންމެ ހަރުކަށި ސަރަހައްދެވެ. ދީނީ ހަރުކަށިކަމާއި ދީނީނުެގ ނަމުގައި ތަޅާފޮޅުމަކީ މި ސަރަހައްދުގެ އާންމު ސިފައެވެ.
ވަކި ދީނެއް ނޫނެވެ. ކޮންމެ ބަޔަކު އެބަޔެއްގެ ފައިތިލަ ސާބިތުވާ ތަނެއްގައި އަނެއް ބަޔަކާ ދެކޮޅަށް ޙަމަލަތައް ދެއެވެ.
މުމްބާއިއަށް މީގެ 16 އަހަރު ކުރިން ދިން ހަމަލާއަކީ، ލަޝްކަރޭ ތޮއްޔިބާއިން ރާވައިގެން ދިން އެފަދަ ހަމަލައެކެވެ.
26 ނޮވެމްބަރު 2008 ގައި ދިހަ ޓެރަރިސްޓުން މުޅި އިންޑިއާގެ ވިޔަފާރި މަރުކަޒު ރަހީނުކޮށްލިއެވެ. ކޯޑިނޭޓްކޮށް 5 ތަނަކަށް ދިން ހަމަލާގައި 165މީހުން މަރާލިއެވެ. މަރާލި އެންމެންނަކީ މަދަނީންނެވެ. ބައެއް މީހުންނަކީ ފަތުރުވެރިންނެވެ. އިތުރު އެތައް ސަތޭކަ މީޙުން ޒަޚަމް ކޮށްލިއެވެ.
މި މީހުންގެ ތެރޭން ދިރި ހުއްޓައި ހައްޔަރު ކުރެވުނީ އެންމެ މީހެކެވެ. އަޖްމަލް ކަސާބް ވަނީ، ސުވާލުކުރުމުގެ ތެރޭގައި އޭނާއަކީ ލަޝްކަރޭ ތޮއްޔިބާގެ މެމްބަރެއް ކަމަށް އެއްބަސްވެފަ އެވެ. ކައްސާބް ހާމަކުރި ގޮތުގައި އޭނާގެ ހަމަލަތައް ވިލަރެސް ކޮށްދީފައި ވަނީ ޕާކިސްތާނުންނެވެ.
އިންޑިއާގެ މީޑިއާގެ ރިޕޯޓުތައް ބުނާ ގޮތުން، އިންޑިއާ އާއި އެފްބީއައި އިން ކުރި ތަހުގީގުތަކުން ވެސް އެނގިފައި ވަނީ މި ހަމަލާ ކޯޑިނޭޓް ކުރުމަށް ޕާކިސްތާނުގެ އިންޓަ ސާވިސަސް އިންޓެލިޖެންސް (އައިއެސްއައި) ގެ ބަޔަކު ހިމެނޭ ކަމަށެވެ.
ޕާކިސްތާނުން ވަނީ ޓެރަރިޒަމްގެ ތުހުމަތުތައް ދޮގު ކޮށްފައެވެ.
