އިންޑިއާގެ ބޮޑު ވަޒީރު މިއަދު ޤައުމާ މުޚާތަބު ކުރައްވައިފިއެވެ. ނަރެންދުރަ މޯދީ ވަނީ ޓެރަރިސްޓުންނާއި ޕާކިސްތާނަށް ވަރުގަދަ މެސެޖެއް ފޮނުއްވައި، އިންޑިއާގެ އޮޕަރޭޝަން ސިންދޫރުގައި މެއި މަހުގެ ހަތް ވަނަ ދުވަހު ޕާކިސްތާނާއި ޕާކިސްތާނުގެ ދަށުގައިވާ ކަޝްމީރުގެ ނުވަ ޓެރަރިސްޓް ކޭމްޕް ނައްތާލައި ބަދަލު ހިފާފައި ވާނެ ކަމަށް ވިދާޅުވެފައެވެ. އޭނާ ވިދާޅުވީ، މިއީ ޓެރަރިޒަމާ މެދު އިންޑިއާގެ ފަސްނުޖެހޭ ސާބިތުކަން ދައްކުވައިދޭ އަޒުމު ކަމަށެވެ.
އޭނާ ވިދާޅުވީ އޮޕަރޭޝަން ސިންދޫރަކީ ހުވަފަތް ކޮށްލި އަންހެނުންގެ ޝުއޫރާ ގުޅިފައިވާ ހަމަލައެކެވެ.
"އޮޕަރޭޝަން ސިންދޫރަކީ ހަމައެކަނި ނަމެއް ނޫން، އެއީ އެތައް ކްރޯޑް އިންޑިއާ މީހުންގެ ޖަޒުބާތުތަކެއް ދައްކުވައިދޭ އެއްޗެކެވެ. އޮޕަރޭޝަން ސިންދޫރަކީ އިންސާފުގެ ވައުދެކެވެ."
މޯދީ ފާހަގަކުރެއްވި ގޮތުގައި މި އޮޕަރޭޝަނަކީ ހިންދޫ ކައިވެނީގެ މުޤައްދަސް ނިޝާނެއް ކަމަށްވާ ސިންދޫރު ފޮހެލުމަށް ޓެރަރިސްޓުން އިންޑިއާގެ އަންހެނުންނަށް ދިން ހަމަލާއަށް ރައްދު ދިނުމެކެވެ.
"މިއަދު ކޮންމެ ޓެރަރިސްޓަކަށް، ކޮންމެ ޓެރަރިސްޓް ޖަމާއަތަކަށްވެސް އެނގޭ އަޅުގަނޑުމެންގެ އަންހެން އުޚުތުންނާއި އަންހެން ދަރިންގެ ނިތްކުރިން ސިންދޫރު ފޮހެލާއިރު ވާނެ ގޮތް އެނގޭނެއެވެ"
އިންޑިއާއިން ދިން ޖަވާބަކީ އަވަސް އަދި ފުރިހަމަ ޖަވާބެއް ކަމަށާއި، އެއް އޮޕަރޭޝަނެއްގައި 100 އަށް ވުރެ ގިނަ ޓެރަރިސްޓުން ނައްތާލެވުނު ކަމަށް މޮދީ ވިދާޅުވިއެވެ.
"އަޅުގަނޑުމެންގެ ސިފައިންގެ ބާރުތަކަށް މިނިވަން ކަމާއެކު ހަރަކާތްތެރިވާނެ އަތެއް ދިނީ ޓެރަރިސްޓުން ފޮހެލުމަށް ހަރަކާތްތެރިވާން އަންގާފައި ވާނެއެވެ."
މޯދީ ވަނީ ޓެރަރިޒަމްގެ އިންޒާރުތަކުގެ ބާރު ކަނޑުވާލުމަށް ސާބިތު ކަމާއެކު އަމަލު ކުރުމުގައި ދެމިތިބުމަށް ސިފައިންނަށް ސަރުކާރުން ދީފައިވާ ސާފު މެންޑޭޓެއްގެ މައްޗަށް ވެސް އަލިއަޅުވާލައްވާފައެވެ.
"އޮޕަރޭޝަން ސިންދޫރުން ވަނީ ޓެރަރިޒަމާ ދެކޮޅަށް ކުރާ ހަނގުރާމަ އަލުން މާނަކޮށްދީފަ… އާ ބެންޗްމާކެއް ކަނޑައަޅައި، އާ ނޯމަލެއް ކަނޑައަޅައިދީފައެވެ".
މި އޮޕަރޭޝަނަކީ އިންޑިއާގެ ކައުންޓަރ ޓެރަރިޒަމް ސްޓްރެޓެޖީ ބަދަލުކޮށްލުމެއް ކަމުގައި އިންޑިއާ ބޮޑު ވަޒީރު ސިފަކުރެއްވިއެވެ.
"އިންޑިޔާއާ ދެކޮޅަށް ފާޅުގައި ރޭވުންތެރިކަން ރޭވި ޓެރަރިސްޓުން ފާޅުގައި ޕާކިސްތާނުގައި އުޅެމުން ދިޔަ ނަމަވެސް އިންޑިއާއިން އެމީހުން ކަތިލީ އެންމެ ފަހަރަކުއެވެ."
މޯދީ ވަނީ ޓެރަރިސްޓް އިންފްރާސްޓްރަކްޗާ އަށް ސީދާ އަމާޒު ކުރުމުން ޕާކިސްތާނަށް ބޮޑު ނާކާމިޔާބީއެއް ލިބުނު ކަމަށް ސިފަކުރައްވާފަ އެވެ.
ޓެރަރިޒަމް އާއި ޑިޕްލޮމެސީއާ މެދު ކޮމްޕްރޮމައިޒް ވުމެއް ނެތް ކަމަށް މޮދީ ވިދާޅުވިއެވެ.
"ނިރުބަވެރިކަމާއި ވިޔަފާރި އެއްކޮށް ނުހިނގާނެއެވެ. ފެނާއި ލޭ އެއްކޮށް ނުހިނގާނެއެވެ."
އިންޑަސް ވޯޓާސް ޓްރީޓީ އިންޑިއާއިން ސަސްޕެންޑް ކުރި ކަމަށް އިޝާރާތް ކުރައްވައި މޯދީ ވަނީ ޓެރަރިޒަމާއި އެއްބާރުލުން އެއްގޮތް ނުވާ ކަންތައްތަކެއް ކަމަށް ސާފުކޮށް ވިދާޅުވެފަ އެވެ.
ޕާކިސްތާނާއެކު މަޝްވަރާ ކުރުމަށް ޝަރުތުތަކަވެސް ހުށަހަޅުއްވާފައެވެ.
"އިންޑިޔާ އާއި ޕާކިސްތާނާ ދެމެދު މަޝްވަރާތައް އޮންނާނެ ނަމަ އެކަން އޮންނާނީ ހަމައެކަނި ޓެރަރިޒަމް އާއި ޕާކިސްތާނުން ހިފާފައިވާ ކަޝްމީރު އާއި ގުޅޭ ގޮތުންނެވެ. ޓެރަރިޒަމް އާއި ވާހަކަތައް އެއްފަހަރާ ނު ހިނގާނެއެވެ."
ޕާކިސްތާނާ އެކު ކުރެވޭ މަޝްވަރާތައް ހަނިވެފައިވަނީ ޓެރަރިޒަމް އާއި ކަޝްމީރު އެނބުރި އައުމަށް ކަމަށް ތަކުރާރުކޮށް ވިދާޅުވިއެވެ.
މޮދީ ވަނީ ނިއުކްލިއާ ބްލެކްމެއިލް އާ ދެކޮޅު ހައްދަވާފައެވެ.
"އެއްވެސް ނިއުކްލިއަރ ބްލެކްމެއިލްއެއް އިންޑިއާއިން ތަޙައްމަލު ނުކުރާނެއެވެ. ނިއުކްލިއަރ ބްލެކްމެއިލްގެ ދަށުން ޓެރަރިޒަމް އިންފްރާސްޓްރަކްޗާ އޮޕަރޭޓް ކުރަނީ އިންޑިއަށް އަމާޒުކޮށްގެންނެވެ."
ހަމަނުޖެހުން އިތުރުވަމުންދާ ދަނޑިވަޅެއްގައި މޯދީ ވަނީ ނިއުކްލިއާ ނުވަތަ އެނޫންވެސް ނުރައްކަލަކާ ދެކޮޅަށް އިންޑިއާއިން އަޒުމް ކަނޑައަޅާފައިވާކަން ކަށަވަރުކޮށްދެއްވާފައެވެ.
"ޓެރަރިޒަމަށް ތާއީދުކުރާ ސަރުކާރާއި ޓެރަރިސްޓުންނަކީ ވަކި ބައެއްގެ ގޮތުގައި އަޅުގަނޑުމެން ނުބަލަމެވެ."
ކަޝްމީރާމެދު އިންޑިއާއިން ދެކޭ ގޮތާ ބެހޭ ގތުން ވާހަކަ ދެއްކެވިއެވެ.
"ކަޝްމީރާ މެދު އަޅުގަނޑުމެންގެ ވަރަށް ސާފު މަގާމެއް އެބައޮތެވެ. ބާކީ އޮތީ އެންމެ ކަމެކެވެ. އެއީ ހިފާފައިވާ ކަޝްމީރު އެނބުރި އައުމެވެ. އެއްވެސް މީހަކު މެދުވެރިއެއްގެ ބައި ކުޅޭކަށް އަޅުގަނޑުމެން ބޭނުމެއް ނޫނެވެ."
އެމެރިކާގެ ރައީސް ޑޮނަލްޑް ޓްރަމްޕްގެ ހުށަހެޅުއްވި، މެދުވެރިއެއްގެ ބައި އަދާކުރުމަށް ދެކޮޅު ހައްދަވަމުން މޯދީ ވަނީ އިންޑިއާގެ ސަމާލުކަން އަދިވެސް އޮތީ ހަމައެކަނި ކަޝްމީރާއި ޓެރަރިޒަމް އަށް ކަމަށް ސާފުކޮށްދެއްވާފަ އެވެ.
މޯދީ ގައުމާ ކުޚާތަބު ކުރއްވާފައި ވަނީ ރޭ ޕާކިސްތާންގެ ބޮޑު ވަޒީރު ޝެހްބާޒް ޝަރީފް ޤައުމާ މުޚާތަބު ކުރެއްވިތާ 24 ގަޑިއިރު ފަހުންނެވެ. ކުރު ތަޤްރީރުގައި ޝެހްބާޒް ވަނީ ޕާކސްތާނަށް ނަސްރު ލިބުނީ ކަމަށް ވިދާޅުވެ، ޤައުމާއި ރައްޔިތުންނާއި ސިފައިންނަށް މަރުހަބާ ވިދާޅުވެފައެވެ.
