އިންޑިއާގެ އެންމެ ބިޒީ އެއް އެއާޕޯޓް ކަމަށްވާ ދިއްލީގެ އިންދިރާ ގާންދީ އިންޓަނޭޝަނަލް އެއާޕޯޓްގެ ޓާމިނަލް 1 ގެ ފުރާޅުގެ ބައެއް އާދީއްތަ ދުވަހުގެ ވަގުތެއްގައި ވެއްޓިއްޖެއެވެ. ފުރާޅު ވެއްޓިފައިވަނީ ބޯކޮށް ގުގުރުމާއި ވާރޭ ވެހުމުގެ ތެރޭގައި ކަމަށް ވީޑިއޯއަކުން ދައްކަ އެވެ.
ފޮޓޯތަކާއި ވީޑިއޯތަކުން ދައްކާ ގޮތުގައި އެއާޕޯޓުގެ ބޭރުގައި ހުރި ޕޯޓިކޯގެ ފުރާޅުގެ ބައެއް ޕޭވްމަންޓަށް ބިންދައިގެން ވެއްޓި ހުރިހާ ތަނަކަށް ފެން ފައިބަމުން ދިޔަ އެވެ.
ވެރިރަށް ދިއްލީ އެއާޕޯޓު ސަރަހައްދަށް ބޯކޮށް ވާރޭވެހި ގުގުރުމުގެ ސަބަބުން ރޭ 17 ބައިނަލްއަގުވާމީ ފްލައިޓަކާއެކު 49 ފްލައިޓެއް ޑައިވަރޓްކޮށްފައިވެ އެވެ.
"މެއި މަހުގެ 24 ވަނަ ދުވަހުގެ މެދުތެރޭގެ ރޭ ދިއްލީއަށް ބޯކޮށް ވާރޭވެހުމާއެކު ގަދަ ވިއްސާރައެއް ކުރިމަތިވި. ހެނދުނު 2:00 ހާއިރު 30 އާއި 45 މިނެޓާ ދެމެދުގެ ކުރު މުއްދަތެއްގެ ތެރޭގައި ގަޑިއަކު 70-80 ކިލޯމީޓަރުގެ ބާރުމިނުގައި 80 މިލިލިޓަރަށް ވުރެ ގިނައިން ވާރޭ ވެހި ފައިވާ ކަން ވަނީ ރެކޯޑް ކުރެވިފައި. ކުރު މުއްދަތަކަށް އޮޕަރޭޝަންތަކަށް އަސަރު ކުރި،" ދިއްލީ އެއާޕޯޓުން ނެރުނު ބަޔާނެއްގައިވެ އެވެ.
