"އެމެރިކާ ފަސްޓް" އަށް ޓްރަމްޕް ދެއްވާ އަހަންމިއްޔަތުކަމުގެ ތެރޭގައި ޓެރިފްތަކާއި ބޭރު އެހީ މަދުކުރުން ހިމެނެއެވެ. މިކަމުގެ ސަބަބުން އިންޑިއާގެ އިޤްތިޞާދަށް ގެއްލުން ލިބިދާނެތީ އިންޑިއާއިން އެ ޤައުމުގެ މަސްލަހަތުތައް ހިމާޔަތްކުރުމަށްޓަކައި އެމެރިކާގެ ރައީސް ޑޮނަލްޑް ޓްރަމްޕްގެ ސިޔާސަތުތަކާ ވަރަށް ފަރުވާތެރިކަމާއެކު މުޢާމަލާތްކުރަން ޖެހޭ ކަމަށް އައު ދިރާސާއަކުން ބުނެފިއެވެ.
އެމެރިކާގައި އުފެއްދުންތެރިކަން އިތުރުކުރުމަށް ޓްރަމްޕް ކުރައްވާ މަސައްކަތުގެ ސަބަބުން އިންޑިއާއިން ކުރާ އެކްސްޕޯޓްތައް މަދުވެދާނެއެވެ. ނަމަވެސް، ޗައިނާއާ ދެކޮޅަށް ޓްރަމްޕް ގެންގުޅުއްވާ ހަރުކަށި ސިޔާސަތަކީ ޗައިނާގެ ނުފޫޒާ މެދު އިންޑިއާގެ ކަންބޮޑުވުމާ އެއްގޮތް ކަމެކެވެ.
އިންޑިއާ ސަރުކާރަށް އިގްތިސާދީ ފަރާތްތަކުން ލަފާދީފައިވަނީ އެމެރިކާއާއެކު ވިޔަފާރީގެ ގުޅުން ބަދަހިކުރުމާއެކު، އެހެނިހެން ހެނިހެން ޕާޓްނަރުންނާއެކުވެސް ގުޅުން އިތުރުކުރުމަށެވެ. އަދި ޓެރިފްގެ ސަބަބުން ކުރިމަތިވެދާނެ ނުރައްކާތަކާ ކުރިމަތިލުމަށްޓަކައި އިންޑިއާގެ އަމިއްލަ ސިނާޢަތްތައް ކުރިއެރުވުމަށްވެސް އިތުރަށް މަސައްކަތް ކުރުމަށެވެ.
ޑިޕްލޮމެޓިކް ގޮތުން، މަސައްކަތްތަކެއް ކޮށް، އިންޑިއާއަށް ޓްރަމްޕްގެ އިތުބާރު ހޯދިދާނެއެވެ. އަދި ދިފާޢީ ގުޅުންތައް، ޚާއްޞަކޮށް ޓެކްނޮލޮޖީގެ ދާއިރާއިން ވަރުގަދަކުރުމާއެކު ފައިދާހުރި މަސައްކަތްތަކެއް ކުރެވިދާނެއެވެ.
އެހެންނަމަވެސް ޓްރަމްޕްގެ ލަފާނުކުރެވޭ އުސްލޫބުގެ ސަބަބުން އިންޑިއާއިން ދެމިހުންނަންޖެހޭނީ ބަދަލުވަމުންދާ ޙާލަތްޙާލަތްތަކަށް ފާރަވެރިވަމުން ކަމަށް ބުނެއެވެ.
މި ދިރާސާގައި އިންޒާރުދީފައިވަނީ އެމެރިކާގެ އެހީތެރިކަމަށް މާބޮޑަށް ބޮޑަށް ބަރޯސާވުމުގެ ބަދަލުގައި ކުއާޑް ފަދަ ސަރަޙައްދީ އިއްތިހާދުތަކުގައި އިންޑިއާއިން އިންވެސްޓް ކުރުމަށެވެ. އިންޑިއާގެ ހަކަތައިގެ ދާއިރާގެ ބަދަލުވުމާއި ޑިޖިޓަލް ކުރިއެރުމަކީ އެމެރިކާގެ މަޞްލަޙަތުތަކާ އެއްގޮތްވާ ކަންކަން ކަމުގައިވާތީ، މިއީ އެއްބާރުލުން ދިނުމަށް ލިބޭ ފުރުޞަތުތަކެއް ކަމަށް ބެލެވެއެވެ.
