އިންޑިއާގެ އެކްސްޓާނަލް އެފެއާޒް މިނިސްޓަރު އެސް ޖައިޝަންކަރު ވަނީ ދެ ގައުމުގެ ގުޅުން ބަދަހިކޮށް ކުއަޑް ޕާޓްނަޝިޕް ކުރިއަށް ގެންދިއުމަށް ޖަޕާނުގެ ފޮރިން މިނިސްޓަރު ޓާކޭޝީ އިވާޔާއާ އެކު މަޝްވަރާތައް ބާއްވަވާފަ އެވެ. ދެ ބޭފުޅުން ފޯކަސް ކުރެއްވީ މިނިވަން، ހުޅުވާލެވިފައިވާ، އަދި ހުރިހާ ފަރާތްތަކެއް ބައިވެރިވާ އިންޑޯ-ޕެސިފިކް ސަރަހައްދެއް ކަށަވަރު ކުރުމަށެވެ.
ދެ ވަޒީރުން ވެސް ވަނީ ކުރިއަށް އޮތް ކުއަޑް ބައްދަލުވުންތަކުގައި އިންޑިއާ، ޖަޕާން، އެމެރިކާ، އަދި އޮސްޓްރޭލިއާގެ މެދުގައި އެއްބާރުލުން އިތުރުކުރުމަށް ބަދަހި ކުރުމަށް ބާރުއަޅުއްވާފަ އެވެ. ޖައިޝަންކަރާއި އިވާޔާ ވަނީ ސަރަހައްދީ ގޮންޖެހުންތަކަށް ހައްލެއް ހޯދުމަށް ގާނޫނީ ހަމަތަކަށް ތަބާވާ ބައިނަލްއަގްވާމީ ނިޒާމެއްގެ މުހިންމުކަން ފާހަގަ ކުރައްވާފަ އެވެ. އެގޮތުން ޚާއްސަކޮށް ކަނޑުގެ ސަލާމަތީ ކަންކަން ދެމެހެއްޓުމާއި ވިޔަފާރީގެ ހުޅުވާލެވިފައިވާ މަގުތައް ކަށަވަރުކުރުމުގައި ހިއްސާކުރެވޭ ސްޓްރެޓެޖިކް މަސްލަހަތުތަކަށް އަލިއަޅުވާލެއްވި އެވެ.
މި މަޝްވަރާގައި އިންޑޯ ޕެސިފިކްގައި ހަމަޖެހުމާއި ތަނަވަސްކަމާއި ރައްކާތެރިކަން ކުރިއެރުވުމުގައި ކުއަޑްގެ މުހިންމު ދައުރު އަލުން ކަށަވަރުކޮށް ދިނުމަށް ދެބޭފުޅުން އެއްބަސްވެ ވޑައި ގަތެވެ.
ދެ ލީޑަރުން ވެސް ވަނީ އިންޑިއާ އާއި ޖަޕާނުގެ އެއްބާރުލުން ބަދަހިކޮށް އެ ދެ ލީޑަރުންގެ ސްޕެޝަލް ސްޓްރެޓެޖިކް އަދި ގްލޯބަލް ޕާޓްނަޝިޕް ކުރިއަށް ގެންދެވުމަށް ވައުދުވެވަޑައިގެންފަ އެވެ. އަދި ޖިއޮޕޮލިޓިކަލް ހަމަނުޖެހުންތަކާ ދެކޮޅަށް މަސައްކަތްކުރުމާއި ސަރަހައްދީ އިގްތިސާދީ ކުރިއެރުވުމަށް ހުރި ހުރަސްތައް ނައްތާލުމަށްވެސް މޝްވަރާ ކުރެވުނެވެ.
ޖައިޝަންކަރު ވަނީ ގްލޯބަލް ފޯރަމްތަކުގައި އިންޑިއާގެ ޕްރޮއެކްޓިވް ވިސްނުމަށް އަލިއަޅުވާލައްވާފައި، ޖަޕާނުން ސުލްހަވެރި އިންޑޯ ޕެސިފިކް އުފެއްދުމުގެ ތަސައްވުރާ އެއްގޮތަށް ކަމަށް ވިދާޅުވެފައެވެ.
