ނޭޕާލަށް އައި ފެންބޮޑުވުމުގެ ކާރިސާގައި އިންޑިއާގެ އެހީތެރިކަން އަވަހަށް ފޯރުކޮށްދޭން އިންޑިއާގެ ބޮޑުވަޒީރު މޯދީ އަންގަވައިފިއެވެ. ނޭޕާލުގެ އިރުމަތީ ސަރަހައްދަށް އައި ބޮޑު ފެންބޮޑުވުމެއްގައި ގިނަ ބަޔަކު ވަނީ މަރުވެފައެވެ. އަދި، އުމްރާނީ ތަރައްޤީގެ މަޝްރޫއުތަކަށް ބޮޑެތި ގެއްލުންތަކެއް ލިބިފައިވެއެވެ.
މި ދަނޑިވަޅުގައި އިންޑިއާގެ ބޮޑުވަޒީރު ނަރެންދުރަ މޯދީ، ވިދާޅުވީ، ނޭޕާލަށް ދިމާވާ ކާރިސާތަކުގައި އިންޑިއާ އަކީ "ފުރަތަމަ ސީދާ އެހީ ފޯރުކޮށްދޭ ފަރާތް" ކަމުގައި އަބަދުވެސް ދެމި އޮންނާނެ ކަމަށެވެ. އަދި، އަވަސް އެހީތެރިކަމެއް ފޯރުކޮށްދެއްވުމަށް ވައުދުވެވަޑައިގެންފައި ވެއެވެ.
