ގައުމުގެ އިގްތިސާދީ ހާލަތު މިވަގުތު އޮތްގޮތް ރައީސް ޑރ. މުހައްމަދު މުއިއްޒަށް ސާފުކޮށް ކިޔައިދޭން ޖެހޭ ކަމަށް، ރައްޔިތުންގެ މަޖިލީހުގެ މާލިއްޔަތު ކޮމިޓީގެ މުގައްރިރު ގާސިމް އިބްރާހިމް ވިދާޅުވެއްޖެއެވެ.
މާލިއްޔަތު ކޮމިޓީގެ ބައްދަލުވުމެއްގައި ވާހަކަފުޅު ދައްކަވަމުން ގާސިމް ވިދާޅުވީ، "ގައުމުގެ އިގްތިސާދު ރަނގަޅު ކުރެވޭނީ ގިނަ ބަދަލުތަކެއް ގެނެސްގެން" ކަމަށެވެ. އަދި ރައްޔިތުންގެ ޝަކުވާ ލިބުނު ނަމަވެސް މިވަގުތު ސަރުކާރުގެ ހިންގުމުގެ އޮނިގަނޑަށް ބަދަލު ގެންނަން ޖެހިފައިވާ ކަމަށް އޭނާ ފާހަގަކުރެއްވިއެވެ.
ގާސިމް އިތުރަށް ވިދާޅުވި ގޮތުގައި، ގައުމުގެ އިގްތިސާދީ ހާލަތު ރަނގަޅަށް ދިރާސާ ނުކޮށް، ވާދަވެރި ސިޔާސަތުތަކެއްގެ ދަށުން ކަންކަން ކުރަން އުޅުމުން އިގްތިސާދު އިތުރަށް ދަށަށް ދާނެއެވެ.
ސަރުކާރު ރަނގަޅަށް ހިންގުމަކީ ރައީސްގެ އެދިވަޑައިގަންނަވާ ކަމެއް ކަމަށް ފާހަގަކުރައްވަމުން، މާލިއްޔަތު ކޮމިޓީއަށް ފެންނަ ރަނގަޅު ގޮތްތައް ރައީސަށް ދަންނަވަން ޖެހޭނެ ކަމަށް ގާސިމް ވިދާޅުވިއެވެ. އަދި ރައީސް މެންބަރުންގެ އަޑުއައްސަވައި، އެ ލަފާ ގަބޫލުކުރައްވާނެ ކަމަށްވެސް އޭނާ ވިދާޅުވިއެވެ.
