"ގަރުނުގެ ބޮޑު އިރުކޭތަ" ކަމަށް ބުނާ އިރުކޭތަ މެދުއިރުމައްޗާއި އެފްރިކާގެ ބައެއް ގައުމުތަކަށް ފުރިހަމަ އިރުކޭތައެއްގެ ގޮތުގައި ފެންނައިރު ރާއްޖެއަށް ފުރިހަމަ އިރުކޭތައެއްގެ ގޮތުގައި ނުފެންނާނެއެވެ.
މި އިރުކޭތަ، އެންމެ ބޮޑަށް ފެންނަ ސަރަހައްދުތަކުގައި 6 މިނެޓާއި 23 ސިކުންތަށް އިރުކޭތަ ދެމިގެންދާނެ ކަމަށް ވެއެވެ. މި ފުރިހަމަ އިރުކޭތަ ފެންނާނީ 2027 ވަނަ އަހަރުގެ އޮގަސްޓް މަހުގެ 2 ވަނަ ދުވަހު ކަމަށް ނާސާއިން ބުނެއެވެ.
ރާއްޖެއަށް މި އިރުކޭތަ ފެންނަން ފަށާނީ ހަވީރު 4 ޖަހައި 8 މިނެޓްގެ ފަހުންނެވެ.
މިއީ 2114 ވަނަ އަހަރާ ހަމައަށް ދުނިޔެ ތަޖުރިބާ ކުރާ އެންމެ ދިގު އިރުކޭތައެވެ.
ފުރިހަމައަށް މިއިރު ކޭތަ ފެންނާނީ، މޮރޮކޯ އާއި އަލްޖީރިއާގެ އިތުރުން ޓިއުނީޝިއާ، ލީބިޔާ، އަދި ސޫދާނާއި ސައުދީ އަރަބިއްޔާ، މިސްރު، އަދި ޔަމަނަށާއި ސޯމާލިއާ، ސްޕެއިން، އަދި ޖިބްރާލްޓާރ އަށެވެ.
މީގ ކުރިން ފެނުނު އިރުކޭތަ، 2024 ވަނަ އަހަރުގެ އޭޕްރީލް މަހުގެ 8 ވަނަ ދުވަހު ފެނިފައި ވަނީ 4 މިނެޓާއި 28 ސިކުންތަށެވެ. އދި އޭގެ ކުރިން 1991 ވަނަ އަހަރުގެ އިރު ކޭތަ 6 މިނެޓާއި 53 ސިކުންތަށް ދެމިގެން ދިޔައެވެ.
