ކުޑަކުއްޖަކަށް އިހުމާލުވި މައްސަލައިގައި ނިއުޒިލޭންޑްގެ އަންހެނަކު ހައްޔަރުކޮށްފިއެވެ.، އެމީހާ ހައްޔަރު ކުރީ ބަހެއްގެ ލަގެޖް ކޮމްޕާޓްމަންޓުން 2 އަހަރުގެ ކުޑަކުއްޖަކު ދަބަހެއްގެ ތެރެއިން ދިރިހުއްޓާ ފެނުމާ ގުޅިގެންނެވެ.
ޑިޓެކްޓިވް އިންސްޕެކްޓަރ ސައިމަން ހެރިސަން ބުނިގޮތުގައި، އޯކްލެންޑްގެ އުތުރުގައިވާ ކައިވަކާ ސަރަހައްދުގައި ބަސް މަޑުކޮށްލި ވަގުތު ދަތުރުވެރިއަކު ލަގެޖް ކޮމްޕާޓްމަންޓަށް ވަނުމަށް އެދުނެވެ. އަދި އޭނާ އެތަނަށް ވަން އިރު ދަބަހެއްގެ ތެރެއިން ކުޑަ ކުއްޖެއްގެ ހިލަމެއް ވިއެވެ. ޑްރައިވަރަށް އެކަން ފާހަގަ ކުރެވިގެން ފުލުހުންގެ ސަމާލުކަމަށް އެކަން ގެނައެވެ.
ހެރިސަން އިތުރަށް ބުނީ، ދަބަސް ހުޅުވާލުމުން ފެނުނު ކުއްޖާ އޮތީ ހޫނުވެގެން ފިހެން ކައިރި ވެފައެވެ. ނަމަވެސް، ޖިސްމާނީ އެއްވެސް ގެއްލުމެއް ލިބިފައެއް ނުވެއެވެ. އެމައްސަލައާ ގުޅިގެން އަންހެންމހާ ވަނީ ހައްޔަރުކޮށްފައެވެ. އެއީ ހިލޭ ކުއްޖާއަށް ދަތުރެއް ހޯދައި ދޭން އުޅުނު މަންމައެވެ.
