ޖަޕާނުގެ އާބާދީގެ 29.4 އިންސައްތައަކީ 65 އަހަރުން މަތީގެ މީހުންނެވެ. ޖަޕާނުގެ ތަފާސްހިސާބުތަކުން ދައްކާ ގޮތުގައި ޖަޕާނުގެ ދޮށީ އުމުރުގެ އާބާދީއަކީ މުޅި ދުނިޔޭގައި ދޮށީ އުމުރުގެ އެންމެ މަތީ ނިސްބަތެވެ.
ޖަޕާންގައި ކޮންމެ އަހަރެއްގެ ސެޕްޓެމްބަރު 15 ގައި ފާހަގަކުރާ "ދޮށީ އުމުރު މީހުންނަށް އިހްތިރާމްކުރުމުގެ ދުވަސް" އާ ގުޅިގެން ނެރުނު ތަފާސްހިސާބުތަކުން ދައްކާ ގޮތުގައި ޖަޕާނުގައި 36.19 މިލިއަން ދޮށީ އުމުރުގެ މީހުން ދިރިއުޅެއެވެ. މީގެ ތެރޭގައި 20.5 މިލިއަން އަންހެނުންނާއި 15.68 މިލިއަން ފިރިހެނުން ހިމެނެއެވެ. އަދި އާބާދީގެ 17.2 އިންސައްތައަކީ 75 އަހަރުން މަތީގެ މީހުންނެވެ. އަދި 85 އަހަރުން މަތީގެ މީހުންނަކީ އާބާދީގެ 5.6 އިންސައްތަ އެވެ.
2040 ވަނަ އަހަރާ ހަމައަށް ޖަޕާނުގެ އާބާދީގެ ތިންބައިކުޅަ އެއްބައި (34.8 އިންސައްތަ) އަކީ 65 އަހަރުން މަތީގެ މީހުންނަށް ވާނެކަމަށް ލަފާކުރެވެއެވެ. މިކަމުގެ ސަބަބުން ޕެންޝަންގެ ނިޒާމާއި، ސިއްހީ ފަރުވާގެ ނިޒާމާއި، މަސައްކަތްތެރިން ލިބުމުގެ ދަތިކަން ޖަޕާނަށް ކުރިމަތިވާނެއެވެ.
އާބާދީ 40 މިލިއަނަށްވުރެ ގިނަ 38 ގައުމެއްގެ އާބާދީ އަޅާކިޔުމުން ޖަޕާނު ފެންނަނީ އެންމެ މަތީގައި އޮންނަ ތަނެވެ. ދޮށީ އުމުރުގެ އާބާދީގެ ނިސްބަތުން އެހެން ގައުމުތައް ގިންތި ކޮށްލާއިރު އިޓަލީ (25.1 އިންސައްތަ) އަދި ޖަރުމަނު (23.7 އިންސައްތަ) އަދީ ޖަޕާނާއެކު ލިޔާލެވޭ ދެ ގައުމެވެ. ނަމަވެސް 2070 ވަނަ އަރު އަންނަ އިރު ޖަޕާނުގެ ދޮށީ އުމުރުގެ އާބާދީގެ ނިސްބަތް 38.7 އިންސައްތައަށް ދަށްވާނެއެވެ. އެއަށްފަހު ޖަޕާނު ގިންތި ކުރެވޭނީ، ދުނިޔޭގެ ތިންވަނައަށެވެ. އަދި ދެކުނު ކޮރެއާގެ 65 އަހަރުން މަތީގެ މީހުންގެ ނިސްބަތް 46.6 އިންސައްތައަށް އަރައި، އެންމެ ކުރީގައި އުޅޭނީ އެގައުމެވެ.
