ޗައިނާއާ ދެކޮޅަށް ނަފްސާނީ ހަނގުރާމަ ކުރާ ކަމަށް ތުހުމަތުކުރެވޭ ޓައިވާންގެ ސިފައިންގެ ޔުނިޓްގެ އިސް އޮފިސަރުންގެ މައުލޫމާތު ހޯދައިދޭ ފަރާތަކަށް ޗައިނާއިން އިނާމެއް ހުށަހަޅައިފިއެވެ. ޗައިނާއިން ވަނީ އިނާމު ހުށަހަޅާފައި ވަނީ ޓައިވާންގެ 18 މިލިޓަރީ އޮފިސަރުންގެ މަޢުލޫމާތު ހޯދާށެވެ. މި މައުލުމާތު ދޭ މީހަކަށް 1،400 ޑޮލަރުގެ އިނާމެއް ވެސް ހުށަހަޅާފައި ވެއެވެ. މި އޮފިސަރުން ވެބްސައިޓްތަކާއި، ވީޑިއޯ ކޮންޓެންޓް އަދި އޮންލައިން ގޭމްތައް މެދުވެރިކޮށް ޓައިވާނުގެ މިނިވަންކަމަށް ވަކާލާތުކޮށް ޕްރޮޕެގެންޑާ ފަތުރާކަމަށް ތުހުމަތުކުރެވެއެވެ.
މި ފިޔަވަޅު އަޅާފައިވަނީ ޓައިވާނުގެ ރައީސް ވިލިއަމް ލައި ޗިންގް-ޓީ އާ ސިސްޓަމެއް މެދުވެރިކޮށް ޓައިވާންގެ ވައިގެ ދިފާޢީ ބާރު ވަރުގަދަކުރުމަށް ވަޢުދުވުމާ ގުޅިގެންނެވެ. ޓައިވާނުގެ ޑިފެންސް މިނިސްޓްރީން ވަނީ ޗައިނާ އިން ހުށަހަޅާފައިވާ އިނާމު ކުށްވެރިކޮށް، އެއީ ތގާކުންތާކު ނުޖެހޭ ފިޔަވަޅެއްކަމަށް ބުނެފައެވެ. އަދި، ބެއިޖިންގ އިން ރައްޔިތުން ބައިބައިކުރުމަށް ޕްރޮޕެގެންޑާ ހަނގުރާމައެއް ކުރަމުންދާކަމަށް ތުހުމަތުކޮށްފައިވެއެވެ.
