ސިޔާސީ ޕާޓީއެއްގެ ގައުމީ މަޖިލިސް ނުބާއްވައިގެން ޕާޓީ އުވައި ނުލެވޭގޮތަށް ގާނޫނަށް އިސްލާޙެއް ގެނަސްފިއެވެ. ސިޔާސީ ޕާޓީތަކުގެ ގާނޫނަށް ގެނައި އިސްލާޙަށް އަމަލު ކުރާނީ ރައީސުލްޖުމްހުރިއްޔާ އެ ބިލް ތަޞްދީޤު ކުރެއްވުމުންނެވެ.
ސިޔާސީ ޕާޓީތަކުގެ ގާނޫނުގެ 30 ވަނަ މާއްދާގައި ޕާޓީ އުވާލުމަށް މެދުވެރިވާ 4 ހާލަތެއް ބަޔާން ބަޔާން ކުރާއިރު އެއިން އެއް ހާލަތަކީ، ގައުމީ މަޖިލިސް ބޭއްވުމެވެ.
- މި އިސްލާހާއެކު ކޮންމެ ފަސް އަހަރަކުން އެއްފަހަރު ޕާޓީގެ ގައުމީ ބައްދަލުވުން ނުބާއްވައިގެން ޕާޓީ އުވައެއް ނުލެވޭނެއެވެ.
މިއަދު ގެނައި އިސްލާހުން 30 ވަނަ މާއްދާގެ (ހ) ގެ (4) ވަނަ ނަމްބަރު އުނިކުރުމުން މި ހާލަތު އުވުގެންދާނެއެވެ.
- ޕާޓީ ޕްރައިމަރީގައި ވާދަ ކުރާ މެންބަރުން އެހެން ހައިސިއްޔަތުން ހަމަ އެ އިންތިހާބުތަކުގައި ބައިވެރިވެވޭނެއެވެ.
ގާނޫގެ 10 ވަނަ މާއްދާގައި މިހާރު އޮންނަނީ، ސިޔާސީ ޕާޓީއެއްގައި ރަޖިސްޓަރީކޮށްފައިވާ މެންބަރަކު، ގާނޫނުއަސާސީން ނުވަތަ ގާނޫނަކުން ބާރުލިބިގެން ބާއްވާ އެއްވެސް އިންތިހާބެއްގައި ސިޔާސީ ޕާޓީގެ ޓިކެޓް ހޯދުމަށް އެ ޕާޓީގެ ޕްރައިމަރީގައި ވާދަކޮށްފައިވާނަމަ، އެ އިންތިހާބެއްގައި އެހެން އެއްވެސް ހައިސިއްޔަތަކުން ވާދަކޮށްގެން ނުވާނެ ކަމަށެވެ.
މި އިސްލާހާއެކު، ސިޔާސީ ޕާޓީތަކުގެ ވަކިވަކި މެމްބަރުން ގާނޫނާ ހިލާފުވުމުން އެމީހާއާއި ޕާޓީވެސް ޖޫރިމަނާކުރެވޭނެއެވެ.
މި އިސްލާޙުތަކާއެކު ބިލް ފާސްކުރީ، މިއަދުގެ ޖަލްސާގައި ތިއްބެވި 73 މެންބަރުންގެ ތެރެއިން 61 މެންބަރުން ވޯޓާ އެކުގައެވެ. އިދިކޮޅު އެމްޑީޕީގެ 10 މެންބަރުން ވޯޓު ދެއްވީ ބިލް އެގޮތަށް ފާސް ނުކުރުމަށެވެ.
