ޗައިނާގެ ސެމީކޮންޑަކްޓަރ އިންޑަސްޓްރީ ވަރުގަދަ ކުރުމަށް މަސައްކަތް ކުރި ނަމަވެސް ޗައިނާ އަދިވެސް ވަރަށް ބޮޑަށް ބަރޯސާވެފައިވަނީ މަތީ ފެންވަރުގެ ޗިޕް އިމްޕޯޓް ކުރުމުގެ މައްޗަށެވެ. 2024 ވަނަ އަހަރުގެ ފުރަތަމަ ހަތް މަސް ދުވަހުގެ ތެރޭގައި އެގައުމުގެ ޗިޕް ޓްރޭޑް ޑެފިސިޓް 122 ބިލިއަން ޑޮލަރަށް އަރާފައިވެއެވެ.
މިއީ ބޭރުގެ ޓެކްނޮލޮޖީއަށް ބަރޯސާވެފައިވާކަން ހާމަކޮށްދޭ ކަމެކެވެ. ޗައިނާގެ ޖެނެރަލް އެޑްމިނިސްޓްރޭޝަން އޮފް ކަސްޓަމްސްގެ ތަފާސްހިސާބުތަކުން ދައްކާ ގޮތުގައި މި މުއްދަތުގައި ޗައިނާއިން ގާތްގަނޑަކަށް 212 ބިލިއަން ޑޮލަރުގެ 308.1 ބިލިއަން ޗިޕް އިމްޕޯޓްކޮށްފައި ވެއެވެ.
އެކްސްޕޯޓް ކުރާ ފަރާތުން ޗައިނާއިން 166.6 ބިލިއަން ޗިޕްސް އެކްސްޕޯޓު ކޮށްފައި ވެއެވެ. މިއީ މައިގަނޑު ގޮތެއްގައި ކާރުތަކާއި ގޭތެރޭގެ ސާމާނު އަދި ކޮންސިއުމަރ އިލެކްޓްރޯނިކްސްގައި ބޭނުންކުރާ އާދައިގެ ސެމީކޮންޑަކްޓަރުތަކެވެ. މިތަކެތީގެ އަގު 90 ބިލިއަން ޑޮލަރަށް އަރައެވެ.
މިއީ 2023 ވަނަ އަހަރުގެ މި މުއްދަތާ އަޅާބަލާއިރު ނިސްބަތުން %10.3 ގެ އިތުރުވުމެކެވެ. މިއިން ޗައިނާގެ ކުދި ސެމީކޮންދަކްތަރ ވިޔަފާރިއަށް ބޮޑު ޑިމާންޑެއް އޮތް ކަމަށް ދައްކައެވެ.
