ޗައިނާގައި ބިދޭސީންނަށް ދިން އަނިޔާވެރި ހަމަލާތަކާ ގުޅިގެން ޗައިނާގެ ސޯޝަލް މީޑިއާ ޕްލެޓްފޯމްތަކުގައި ބިދޭސިންނަށް ނަފްރަތު އުފެދޭ ވާހަކަތައް އިތުރު ވަމުން ދާތީ އެކަމަށް ޗައިނާގެ މީސްމީޑިއާ ބަލަހައްޓާ ފަރާތުން މައުލޫމާތުގެ ރަސްމަގުގައި ފޯރިމެރުން ވަރުގަދަ ކޮށްފި ކަމަށް އަލްޖަޒީރާއިން ބުނެފި އެވެ.
ޖަޕާނާއި އެމެރިކާގެ ރައްޔިތުންނަށް ވަޅިން ހަމަލާދިނުމަށްފަހު، ޗައިނާގެ ބައެއް ބޮޑެތި ޓެކްނޮލޮޖީގެ ކުންފުނިތަކާ ދެކޮޅަށް ނަފްރަތު އުފެދޭ ގޮތަށް ވާހަކަ ދެއްކުން އިތުރު ވެފައިވާ ކަން ފާހަގަ ކޮށްފައި ވެއެވެ.
2024 ވަނަ އަހަރުގެ ހޫނު މޫސުމުގައި ޗައިނާގައި ބޭރުގެ ރައްޔިތުންނަށް ވަކިވަކިން ހަތަރު ފަހަރު ވަޅިން ހަމަލާދީފައި ވެއެވެ.
އޭގެ ތެރޭގައި ސެޕްޓެމްބަރު މަހު ޝެންޒެންގައި ހިނގި ހައި ޕްރޮފައިލް ހާދިސާއެއްވެސް ހިމެނެ އެވެ.
ކުރިން ހިނގާފައިވާ ހާދިސާއެއްގެ އަހަރީ ދުވަސް ފާހަގަ ކުރާ މުނާސަބަތުގައި ހިނގި މި ހަމަލާގެ ސަބަބުން ޖަޕާނުން ވަނީ ޗައިނާގައި ބޭރު މީޙުންނަށް ރައްކާތެރިކަމުގެ ފިޔަވަޅުތަކެއް އެޅުމުގެ މުހިންމުކަމާ ގުޅޭގޮތުން ޗައިނާއިން ރައްޔިތުންނަށް ވިސްނައިދިނުމަށް އިލްތިމާސްކޮށްފައެވެ.
ޗައިނާގައި ދިމާވާ ހިތާމަވެރި ހާދިސާތަކަށް ބިރުން، ޖަޕާނުގެ ވިޔަފާރިވެރިން ވަނީ އެމީހުންގެ މުވައްޒަފުންނާއި އާއިލާތައް އަނބުރާ ގައުމަށް ގެންދިއުމަށް ހުށަހަޅާފައެވެ.
