އިންޑިއާ އާއި ނިއުޒީލެންޑުން ވިޔަފާރިއާ ބެހޭ ގޮތުން މުހިންމު އެއްބަސްވުންތަކެއް ނިންމައިފިއެވެ. އިންޑިއާ އާއި ނިއުޒީލެންޑުގެ އިގްތިސާދީ އަދި ވިޔަފާރީގެ ގުޅުންތައް ބަދަހިވަމުން އަންނައިރު، ފާއިތުވި އަހަރުތަކުގައި ދެ ގައުމުގެ ވިޔަފާރި ވަނީ ވަރަށް ބޮޑަށް ކުރިއަށް ޖެހިލާފައެވެ. އިންޑިއާއިން ނިއުޒީލެންޑަށް އެކްސްޕޯޓް ކުރި މިންވަރު ވެސް ވަނީ އިތުރު ވެފައެވެ. 2023-24 ވަނަ އަހަރު އިންޑިއާގެ އެކްސްޕޯޓު ވަނީ 538 މިލިއަން ޑޮލަރަށް އަރާފައެވެ. އަދި، އިމްޕޯޓް 335 މިލިއަން ޑޮލަރަށް ދަށްވެފައި ވެއެވެ. އިންޑިއާއަށް ޓަކައި ދެގައުމުގެ ވިޔަފާރި ވަނީ 203 މިލިއަން ޑޮލަރަށް އަރަނިވެފައެވެ.
އިންޑިއާގެ މުހިންމު އެކްސްޕޯޓްތަކުގެ ތެރޭގައި ހިމެނެނީ ބޭހާއި ޓެކްސްޓައިލްސް އަދި މެޝިނަރީ އެވެ. ނިއުޒީލެންޑުން މައިގަނޑު ގޮތެއްގައި އިންޑިއާއަށް އެކްސްޕޯޓް ކުރަނީ ކިރުގެ އުފެއްދުންތަކާއި މަހާއި ކެހެރިއެވެ. ދެ ގައުމުން ދާދި ފަހުން ވަނީ ވިޔަފާރި އޮމާން ކަމާއެކު ކުރިއަށް ގެންދިއުމަށް އޮތޯރައިޒްޑް އިކޮނޮމިކް އޮޕަރޭޓަރސް މީއުޗުއަލް ރިކޮގްނިޝަން އެރޭންޖްމަންޓް (އޭއީއޯ-އެމްއާރުއޭ) ގައި ސޮއިކޮށްފައެވެ.
އޭގެ އިތުރުން މާކެޓަށް ވަދެވޭނެ ގޮތާއި އިގްތިސާދީ ގޮތުން ގުޅުން ބަދަހި ކުރުމަށް މިނިވަން ވިޔަފާރީގެ އެއްބަސްވުމެއް އެކުލަވާލުމަށް މަސައްކަތް ފަށާފައި ވެއެވެ. މިއީ ދިހައަހަރު ދުވަސްވަންދެން މި ޚިޔާލު ގެންގުޅުމަށްފަހު އަޅާފައިވާ ފިޔަވަޅެކެވެ.
އޭގެ އިތުރުން ވައިގެ ގުޅުން ބަދަހިކުރުމާއި ފަތުރުވެރިކަމާއި ވިޔަފާރީގެ ގުޅުންވެސް ދަނީ ބަދަހި ވަމުންނެވެ. ހޯޓިކަލްޗަރ އާއި ފޮރެސްޓްރީގެ ދާއިރާތަކުގައި އެއްބާރުލުން އިތުރުވަމުންދާ ކަން ވެސް ފާހަގަ ކުރެވެއެވެ.
އިންޑިއާ އާއި ނިއުޒީލެންޑުން ތިބީ އޭޝިއާ ޕެސިފިކް ސަރަހައްދުގައި އިގްތިސާދީ ގޮތުން ވަރުގަދަ ޕާޓްނަޝިޕަކަށް ތައްޔާރަށެވެ.
