ޖައްވަށް ގޮސްފައި ހުއްޓައި ހާލުގައި ޖެހިގެން އޮކްސިޖަން ގަންނަން އެހީވެދޭން އާދޭސްކުރި ކެހިވެރިޔާ، ޖަޕާނު އަންހެނެއްގެ އަތުން 1 މިލިއަން ޔެން ޕަކަޅާލައިފިއެވެ. އުމުރުން 80 އަހަރުގެ ޖަޕާނު އަންހެން މީހާއަށް ކެހި ދިން މީހާ ވަނީ އޮޅުވާލައިގެން 1 މިލިއަން ޔެން (6،500 އެމެރިކާ ޑޮލަރު) ހޯދާފައެވެ. މި އޮޅުވާލުން އޮޅުވާލި ފަރާތުން ވަނީ ސޯޝަލް މީޑިއާ މެދުވެރިކޮށް އެ އަންހެން މީހާއާ ގުޅުން ބަދަހިކޮށް، ޖައްވީ މަރުކަޒެއްގައި މަސައްކަތްކުރާ މީހެއްގެ ގޮތުގައި ހެދިގެން އުޅެފައެވެ. އަދިޖައްވުގައި އޭނާ ހާލުގައި ޖެހިފައިވާ ކަމަށާއި ބިމަށް އައުމަށް އޮކްސިޖަން ގަތުމަށް ފައިސާ ބޭނުންވާ ކަމަށް އަންހެންމީހާ ކައިރީ ބުނެ އާދޭސްކޮށްފައި ވެއެވެ.
ރިޕޯޓުތަކުން ދައްކާގޮތުގައި، ސްކޭމަރު ވަނީ އަންހެންމީހާއަށް އޮޅުވާލައިގެން އޭނާގެ އެކައުންޓުން ސްކޭމަރުގެ އެކައުންޓަށް ފައިސާ ޖަމާ ކުރުވާފައެވެ. މި މައްސަލަ ހާމަވެގެން ދިޔައީ އެ އަންހެން މީހާ ފުލުހުންގެ ސަމާލުކަމަށް ފަހުން މި މައްސަލަ ހުށަހެޅުމުންނެވެ. އަދި މުޅި މިކަމަކީ ސްކޭމެއް ކަމަށް އޭނާއަށް ފަހުން ބޭޒާރުވިއެވެ.
ޖަޕާނު ފުލުހުން ވަނީ މިމައްސަލައާ ގުޅިގެން ރައްޔިތުންނަށް އިންޒާރުދީ، އޮންލައިންކޮށް މުޢާމަލާތް ކުރުމުގަިއ ފަތުރުވާތެރި ވުމަށް އިލްތިމާސްކޮށްފައެވެ.
