ގޫގްލް އަކީ ދުނިޔޭގެ އެންމެ ބޮޑު ސަރޗް އިންޖީނެވެ. ކޮންމެ އަހަރަކު ވެސް ގޫގްލް އިން ވަނީ އެ އަހަރު އެންމެ ގިނައިން ހޯދާފައިވާ ބަސްތަކުގެ ރިޕޯޓެއް ނެރެފައެވެ. މި ރިޕޯޓްތަކުން ދައްކުވައިދެނީ، އަހަރުގެ ތެރޭގައި އިންޓަރނެޓް ބޭނުންކުރާ މީހުން އެންމެ ބޮޑަށް ޝައުޤުވެރިކަން ހުރީ ކޮން އެއްޗެއްސަށްތޯއާއި، ކޮން ޝަޚްޞިއްޔަތެއް ނުވަތަ ކޮން އެހެން ކަންތައްތަކެއްގެ މައްޗަށް ތޯއެވެ. 2025 ވަނަ އަހަރު ވެސް، ދުނިޔޭގެ އެކި ކަންކޮޅުތަކުގެ މީހުން ވަނީ އެކި މައުޟޫޢުތަކަށް ޝައުޤުވެރިކަން ފާޅުކޮށްފައެވެ. މި މައުޟޫޢުތަކުގެ ތެރޭގައި 'ހޮޓް ހަނީ' އޭ.އައި ޗެޓްބޮޓްސް އަދި އެހެނިހެން މައުޟޫޢުތައް ހިމެނެއެވެ.
ގޫގްލްގެ މި ރިޕޯޓްތަކަކީ އެންމެ ގިނަ ޢަދަދަކަށް ހޯދާފައިވާ ކަންކަމުގެ ލިސްޓެއް ނޫނެވެ. އެހެން ކަމަށް ވާނަމަ، ތިމާވެށީގެ ހާލަތު ފަދަ އާންމު ބަސްތައް އެންމެ ކުރީގައި އޮންނާނެއެވެ. ގޫގްލްގެ 'އެއަރ އިން ސަރޗް' ރިޕޯޓުން ދައްކުވައިދެނީ، 2024 ވަނަ އަހަރާއި އަޅާބަލާއިރު 2025 ވަނަ އަހަރު ޓްރެފިކް އިތުރުވެފައިވާ ހޯދުންތަކެވެ. އެހެންކަމުން، މި ލިސްޓްތަކުން ދައްކުވައިދެނީ އެ އަހަރު އެންމެ ބޮޑަށް ޓްރެންޑްވެގެންދިޔަ ކަންކަމެވެ.
2025 ވަނަ އަހަރު ދުނިޔޭގެ އެންމެ ބޮޑު ޓްރެންޑިންގ ސަރޗަކީ، ހައިރާންކުރުވަނިވި ގޮތަކަށް، 'ޖެމިނައި' އެވެ. ޖެމިނައި އަކީ ގޫގްލްގެ މަސްނޫއީ ބުއްދީގެ ޗެޓްބޮޓް އެވެ. ދުނިޔޭގެ އެކި ކަންކޮޅުތަކުގެ މީހުން އެންމެ ގިނައިން ހޯދާފައިވަނީ މި ޗެޓްބޮޓްގެ މައުލޫމާތެވެ. ޖެމިނައި އަށްފަހު ދެވަނައަށް އޮތީ 'އިންޑިއާ އާ ވާދައަށް ކުޅޭ އިނގިރޭސިވިލާތް' ކުޅިވަރު މެޗެވެ. ތިންވަނައަށް އޮތީ 'ޗާލީ ކާރކް' އެވެ. ޖެމިނައި އަކީ މި ލިސްޓްގައި ހިމެނޭ ހަމައެކަނި އޭ.އައި ޗެޓްބޮޓެއް ނޫނެވެ. 'ޑީޕްސެކް' ވެސް ވަނީ 7 ވަނައިގައި ހިމެނިފައެވެ. އަދި 'ޕާކިސްތާނާއި އިންޑިއާ' އޮތީ 10 ވަނައިގައެވެ.
2025 ވަނަ އަހަރު ދުނިޔޭގައި އެންމެ ގިނައިން ހޯދާފައިވާ މީހުންގެ ނަންތަކުގެ ތެރޭގައި ވެސް ޗާލީ ކާރކް ގެ ނަން ހިމެނެއެވެ. އެންމެ ބޮޑަށް ފެތުރިގެން ދިޔަ ޚަބަރުތަކުގެ ތެރެއިން އެންމެ ކުރީގައި އޮތީ 'ޗާލީ ކާރކްގެ މަރާއި ގުޅޭ' ޚަބަރެވެ. ދެވަނައާއި ތިންވަނައިގައި އޮތީ "އީރާނާއި އެމެރިކާ އަދި އެމެރިކާ ސަރުކާރުގައި ބޮޑު ތަޅުއެޅުވުން' އެވެ.
ކެއިންބުއިމާއި ރެސިޕީތަކުގެ ތެރެއިން އެންމެ ކުރީގައި އޮތީ 'ހޮޓް ހަނީ' އެވެ.
ފިލްމުތަކުގެ ތެރެއިން އެންމެ ގިނައިން ހޯދާފައިވަނީ އެ އަހަރުގެ އޮސްކާރ އެވޯޑް ހާސިލުކުރި ފިލްމު 'އަނޯރާ' އެވެ.
ކުޅިވަރުގެ ބައިން އެންމެ ކުރީގައި އޮތީ 'ފީފާ ކްލަބް ވޯލްޑް ކަޕް' އެވެ.
ގޫގްލްގެ އަހަރީ ޓްރެންޑިންގ ރިޕޯޓްތަކަކީ ދުނިޔޭގެ މީހުންގެ ޝައުޤުވެރިކަމާއި، އެމީހުންގެ ސަމާލުކަން ހުއްޓިފައިވާ ކަންކަން ދެނެގަތުމަށް ބޭނުންތެރި ވަސީލަތެކެވެ.
